معلومات عن علاج السحر والحسد

معلومات عن علاج جميع انواع السحر والحسد
 
الرئيسيةعالم الجنمكتبة الصورس .و .جبحـثالتسجيلدخول

شاطر | 
 

 قصة واقعية عن الجن بلسان صاحبها

اذهب الى الأسفل 
كاتب الموضوعرسالة
Admin

Admin

عدد الرسائل : 792
تاريخ التسجيل : 02/10/2008

مُساهمةموضوع: قصة واقعية عن الجن بلسان صاحبها   الأربعاء يوليو 07, 2010 8:41 am



القصة دى بجد حدثت معايا وهى والله حقيقة وواقعية وتعد من اسود ايام حياتى فعلا انا كنت فى الجيش منذ سنين طويلة فى سيدى براني وكنا فى نقط منعزلة يعنى كلنا كدة فى النقطة خمس عساكر ومفيش حد جنبنا غير الصحراء والبحر فقط لا غير ومفيش بنى ادمين غيرنا وكان معايا احد زملائى اسمه الشيخ محمد من كفر الشيخ وهو كان خريج ازهر وكان على علم بالدين جيد جدا وانا بصراحة كنت بحبه جدا عن بقية افراد النفطة وهو الوحيد اللى كنت بسهر معاه ونقعد فى الخدمة من الساعة الواحد صباحا لحد الصبح وكان الشيخ محمد ده بيصلى دايما بالليل وفى احد الايام وكان الجو زعابيب وهوا وهو بيختم الصلاة جت قطة وقفت على بابا الحجرة اللى انا وهو فيها وكنا محضرين قطع من العجين لخبزها فى فرن البوتجاء عيش يعنى المهم جت القطة دخلت على قطعة العجين وكانت حتاخدها وفى اللحظة دى كان بيختم الصلاة والتفت لها وقالها عيب كدة عيب روحى اقفى على الباب تانى القطة سابت قطعة العجين وفعلا راحت عند الباب وانا قاعد مستغرب وبقول فى نفسي ايه اللى بيحصل ده وبعدين قالها تعالي هنا فعلا جت القطة رواح عطيها حتتة العجين قوالها خدى الاكل ده يا لوزة وروحى سلمة على امك وقوليلها الشيخ محمد بيسلم عليكي وانا طبعا فى زهول بعد مخلص ومشت لوزة دى سألته ايه ده يا شيخ محمد قاللى وهو بيضحك يعم مفيش حاجة متشغلش بالك انت يلا قوم صلي انت قمت صليت وانا فى قمة الرعب تانى يوم جت القطة تانى فى نفس الميعاد والشيخ محمد فى اليوم ده عرف انه نازل اجازة قالها تعالي يا لوزة جت القطة وانا فى زهول تام ومبرق وبتفرج قالها انت عارفة ده اسمه هشام وصحبى وانا بحبه جدا اوعى تجيله ابدا ولو عرفت انك جتيله حعرفك شغلك سمعتى وكأن القطة فهمت الكلام بصتلي وبصتله وهزت دماغها وقالها يلا مش واوعى تنسي اللى قولتلك عليه بعد ما مشت القطة قولتله ايه ده يا شيخ محمد انا عاوز مبرر للى بيحصل دلوقتى حالا اتعصب الشيخ محمد وقللى ملكش دعوى باللى بيحصل ومتقولش لحد ومتشغلش بالك ومتخفش ومش الشيخ محمد وانا بقيت اقعد لوحدى من الساعة واحدة للساعة اربعة بالليل وببقى ميت من الرعب لتيجى القطة ولكن الغريب انها فعلا مبقتش تيجى بس كانت الابواب والشبابيك بتترزع وتتخبط وكدة وكن ماسك السلاح بايد والمصحف بايد تانية مرت الايام والشيخ محمد رجع وفى اول يوم رجوعه بالليل رجعت القطة ندخل بقى على اهم شئ بالقصة فى يوم من الايام قالولنا انه فيه تفتيش وكان عندنا لمبة جاز بتنورلنا فى النقطة قلوللى خد اللمبة يا هشام وخبيها فى الجبل فعلا خدت اللمبة ورحت مخبيها جوة حفرة بعيد عن النقطة وجه التفتيش مشى وجت المغربية كدة افتكرت اللمبة قولت اجبها قبل الليل ميدخل علينا


المهم رحت جبت اللمبة من الحفرة وغسلتها كويس ورحت علقتها فى حدية كدة باعلى المبيت بيقولو عليها جنش ونمت على السرير بتاعي وانا كنت لوحدى فى المبيت والباقى قاعدين فى المطبخ بعيد حوالى عشرة متر لقيت اللمبة بتترحك لوحدها وتتهز وتطلع فوق وتنزل تانى قولت ايه ده تهيئات ولا ايه المهم قمت بالراحة وندهت الشيخ محمد وقلتله تعالي شوف كدة اول لما وصل للمبيت فضل يقول اعوذ بالله من الشيطان الرجيم وقللى طلع المصحف بتاعك وامسكه واقعد على سريرك المهم قولتله فيه ايه رعبتنى قللى اسمع الكلام بعنف كدة المهم مسك مصحفه وفتحه ووجهه للمبة قامت اللمبة وقفت وقللى خلاص قولتله خلاص ايه وايه ده قللى قوتلك خلاصصصص انا رحت قايم ورحت المطبخ وقولت لزملائى اللى حصل كلهم قعدو يضحكو ويقوللى انت شارب ميه ساقعة ولا ايه بتريقة وفجأة سمعنا صوت الشيخ محمد بيصرخ كلنا طلعنا نجري على المبيت لقيناه فوق سريره وبيقول سبنى يا وفضل يشتم سبنى الحقونى ابن الك ..... بكتفنى قربنا منه لقينا عليه حاجة كدة زى العنكبوت ورجله متشنكلة قام واحد معانا اسمه حمدى قللى يلا نفك رجله حنسيبه كدة وفعلا مسكنا رجله رابع افراد عشان نفكها فين وفين لما انفكت من بعض وبعدها هدى وطبعا الزملاء كدة صدقونى وكلنا كنا فى رعب شديد وكله بيبص لبعض بعدها قام الشيخ محمد وقال انا حصلي وبدأ بالصلاة ويقول الله اكبر بس لا بيسجد ولا بيركع واحنا واقفين فى زهول شديد بعده قعد فى الرض وقعد يضرب الحيطة بايده ويقول سبنى يا ابن الك ..... سبنى سبنى سبنى واحنا كلنا مرعوبين لدرجة ان فيه ناس هربت برة المبيت المهم قعدنا للصبح على ادا الحال وفى الصبح سألناه فيه ايه يا شيخ محمد قالنا محدش ليه دعوة ومحدش يسأل


فى نفس اليوم بالليل نده عليه الشيح محمد ونده على حمدى ودونن عن افراد النقطة كلها وطبعا كلهم قاعين فى المطبخ وخايفين يتعبو ناحية المبيت وقلنا تعالو اقعدو كل واحد على سريره قولته لا انا حقعد فى المطبخ وكان صوته محشرج وشكله اعوذ بالله فقاه قاللى متخفش يا هشام ومتخفش يا حمدى انا بحبكم ومش حأذيكم قمت قعدت على سريري قام نده عليه قللى يا هشام تعالى اقعد هنا جنبى على السرير قولتله لا انا مرتاح كدة على سريرى قللى تعالي ومتخفش انا بحبك ومش حأذيك رحت رايح بحذر قولتله انت مش الشيخ محمد قللى لا قمت قولتله طيب انت مين قللى انا احمد ومتخفش احنا مش بنأذى قولتله احمد مين رد عليه وقللى مش مهم وطبعا كان حمدى قاعد على سريره ومبرق ومش مصدق وطبعا كان الصوت اللى بيكلمنى غير صوت الشيخ محمد قولتله طيب الشيخ محمد فين رد عليه وقللى حيرجع ان شاء الله يوم الجمعة بعد صلاة الفجر طيب انا بس عاوز اعرف عملك ايه الشيخ محمد وهو فين دلوقتى وكبعا بجرأة والله انا بسأل نفسي لحد الان انا اتكلمت كدة ازاى رد عليه احمد وقللى هو اللى بدأ معايا وكان عاوز يكتفنى فى اللمبة هو اللى بدأ وانا كنت بهزر معاك بس مش اكتر ومكنتش عاوز ازية ولا اى شئ غير الهزار المهم قللى روح لسريرك ومتمش اوعى تنام وسريره كان على بعد حوالي تلاتة متر وكان سريره فوق وان سريرت حت جنبح حمدى فى اول المبيت المهم قعدت فى سريرى وكل ميكبس عليه النوم انا او حمدى يتكلم ويقول قولت محدش ينام وفجأة انا حسيت انى فى عالم تانى حاسس انى متجمد ومبرق وفى لحظة انتفضت لقيت حمدى بقوللى خد المصحف ده ونام يا هشام يلا بسرعة ولقيته مبرق بصيت على الشيخ محمد لقيته قاعد على سريره ومش بيتحرك حمدى قاللى نام انت قولتلك بس مين اللى ينام قعدت بردو صاحى للصبح وفى الصبح قولت لحمدى ايه اللى حصل قللى فجأة واحنا قاعدين سوا لقيت باب المبيت بيتفتح وشفت راجل دقنه بيضاء وطويلة ولابس ابيض ووشه ابيض جدا وبيقوللى السلام عليكم بصيت عليك وانا حتى مش عارف اصرخ واللى انادى لقيتك متجمد وعنيك متحجرة مسكت المصحق وفتحته لقيتنى فى سورة البقرة وفى ايه الكرسي قريت الاية او مخلصتها لقيتك انتفضت وبتقوللى فيه ايه عطيتك المصحف وانا قعدت فى زهول واقول نسي حلم ده ولا حقيقة وانا بجد مش مصدق وبصيت على الشيخ محمد لقيته هو كمان متجمد مكانه بس مش عارف اعمل اى حاجة او حتى اصرخ او حت اقوم من السرير


وفى نفس اليوك جت اشارة من الكتيبة وكان يوم اربعاء على ما تذكر بان الشيخ محمد عنده فرقة بالكتيبة وسعتها الشيخ محمد لم هدومه واستعد للتوجه للكتيبة وندهنى وقللى خد يا هشام انت ائمن واحد فى النقطة كلها وعشاك كدة حأتمنك على امانة وعطانى ورقة قللى يوم الجمعة بعد الصبح ارميها فى البحر بس حاسب كل شياطين الدنيا حتزن على ودانك حتقولك افتح الورقة اللى شايفه كله اوهام اوعى تفتحها ابدا ولا حتتأذى اذى شديد محدش حيعرف يخلصك منه ومش الشيخ محمد وحطيت الورقة فى الدولاب وفعلا كأن حد بيكلمنى ويقللى جنب ودانى افتح الورقة اللى انت شايفه ده وهم وفعلا اتوجه للدولاب لفتح الورقة ولكن افتكر كلام الشيخ محمد ارجع تاني

وجه يوم الجمه قالولنا ان فيه تفتيش وجه التفتيش فعلا ومش العصر وافتكرت الورقة رحت انا وحمدى على البحر ورمينا الورقة فعلا والامر الغريب ان الورقة او ما لمست الميه كأن رميت حجر كبير غطست وكأنها طلقة اطلقت على المياه ورجعنا النقطة وفعلا كانت الاحوال هادئة جدا فى النقطة ومبقاش فيه اى حاجة مرعبة يوم السبت جت اشارة على جهاذ الاسلكي انى انا اجازة فنزلت الكتيبة لقيت الشيخ محمد مستنينى على البوابة وقللى انا مش قولتلك ارميها الصبح بدري اللى اللى خلاك ترميها العصر قولتله الموضوع فقللى الحمد لله انا بقيت كويس وايدى كانت وارمة لحد العصر فعرفت انك رميتها فى الوقت ده وبعد كدة سلألته قولتله ايه بقى الموضوع ده حرام عليك قوللى ايه اساس الموضوع ده بصلى وسبنى ومش وقللى خليك فى حالك بلاش تعرف احسن نزلت اجازة وجيت من اجازة رحت النقطة لقيت السيخ محمد هناك وخلص الفرقة وحصلت مشكلة مع العرب فى نفس اليوم عشان كانو عاوزين يشفطو بير الميه اللى عايشين عليه وادخلت فيها التحريات العسكرية وتوعدونى بالعقاب لانى اتصديت لهم وكانت النتيجة انى اتنقلت والحمد لله من النقطة دى وجت فعلا بوقتها لانى بجد كنت ممكن مكملش جيش ابدا وكان ممكن اهرب ورحش بعد كدة حقيقى موضوع غريب ولحد النهاردة مش لقيله اى اجابة ايه اللى كان بيحصل ؟؟ مين لوزة دى (القطة) ؟؟ ايه اللى حصل للشيخ محمد ده ؟؟ مين احمد وكلمنى انا بالذات ليه وبيحبنى ليه ؟؟ حكاية الورقة ايه ؟؟ والحمد لله خلصت على خير

منقول بتصرف
الرجوع الى أعلى الصفحة اذهب الى الأسفل
http://abraaaaaaaj.mam9.com
 
قصة واقعية عن الجن بلسان صاحبها
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
معلومات عن علاج السحر والحسد  :: العلاج بالطاقة والتامل الذاتي :: ساحة الغرائب والعجائب والاساطير :: حكاياتي مع الجان-
انتقل الى: